ഒരു ബദ്മാഷ് പ്രണയം

തൂ മേരാ ജാൻ ഹെ.... ആ പ്രണയനിമിഷങ്ങളിൽ മൊബൈലിലേക്ക് ഒഴുകിയെത്തിയ തന്റെ പെണ്ണിന്റെ മെസേജ് വായിച്ചപ്പോൾ അവനു സുഖിച്ചു നന്നായി സുഖിച്ചു...പക്ഷെ തിരിച്ചു അതെ വേഗത്തിൽ മറുപടി കൊടുക്കാൻ നേരം അവൻ മിസ്റ്റർ നിശ്ചലിന്റെ ആ ഡയലോഗ് മനസ്സിലോർത്തു.. " മുജെ ഹിന്ദി മാലും നഹീം " പക്ഷെ അതെങ്ങനെ തുറന്നു പറയും..അയ്യേ ഇമേജ് പോവില്ലേ..വേണ്ട പറയണ്ട..ഒള്ളത് കൊണ്ട് പോളിച്ചടുക്കാം....എന്നും പറഞ്ഞു നോക്കുമ്പോ ദാ വരണൂ വീണ്ടും ഒന്ന് "  ആപ് മേരി സബ്കുച്ച് ഹെ "..!!
 ഇന്ധനവില ഇടയ്ക്കിടയ്ക്ക് കൂട്ടുംബൊ ഒന്നും ചെയ്യാൻ പറ്റാത്തത് പോലെ അവനും ഇരുന്നു...പറ്റില്ല ഇതിനൊരു കട്ട റൊമാന്റിക്‌ മറുപടി കൊടുത്തെ അടങ്ങു..ആഹാ എന്നൊട കളി ഞാനും കണ്ടിട്ടുണ്ട് കുറെ ഹിന്ദി സിനിമകൾ...അതിൽ നിന്നും ഒരെണ്ണം കൊടുക്കാം... മനസ്സില് ഷാരുഖ് ഖാനെ മനസ്സിലോർത്ത്‌ അവൻ ഒരു കാച്ചു അങ്ങട് കാച്ചി..." തൂ മേരി ബദ്മാഷ് ഹെ പ്യാരി...ബദ്മാഷ് "..!!

ഇതല്ല ഇതനപ്പുരം ചാടി കദന്നവനാണീ കെ കെ എന്നാ ഭാവത്തോടെ ഇരിക്കുമ്പോൾ ദാ വന്നു റിപ്ലൈ..!!

ഏട്ടാ..ഞാൻ..ഇത് എന്നെ.........ഇത് ഞാൻ അർഹിക്കുന്നുണ്ടോ ?

ഏ സംഭവം ഏറ്റു പാവം അവൾക്കു വാക്കുകൾ പോലും കിട്ടുന്നില്ല..കണ്ടിലെ എത്ര ഡോട്സ് ആ...ഒന്നൂടെ സ്നേഹിച്ചു കൊല്ലാം...അവൻ വീണ്ടും സ്നേഹം വാരി കോരി സ്പീഡിൽ ടൈപ്പ് ചെയ്തു " നീ അര്ഹിക്കുന്നു മോളെ..എനികതു നീ മാത്രമാണ് " അരേ ബദ്മാഷ്  ഹേ തും മേരാ ബദ്മാഷ് ഹേ..ബദ്മാഷ് ഹും..ബദ്മാഷ് ഹൈ...!!

പിന്നെ വന്ന മറുപടിയിൽ ഹിന്ദി ഉണ്ടായില്ല എങ്കിലും ബീപ് ശബ്ദം ധാരാളം ഉണ്ടായിരുന്നു..!!!

ആ റിപ്ലൈ കണ്ടപ്പോഴാണ് അവനു മനസ്സിലായത് ഷാരൂഖ്‌ ഖാന് വെച്ചത് കൊണ്ടത് അമിരിഷ് പുരിക്കാനെന്നു...!!

വാൽകഷണം- അറിയാത്ത ഹിന്ദി പറയുമ്പോൾ അറിഞ്ഞില്ല എങ്കിലും കിട്ടുമ്പോ അറിയും..!!

ലൈക്കൊമാനിയ

പുരയിടത്തിൽ നട്ടുപിടുപ്പിച്ച ചെടിയുടെ വളർച്ചയെക്കുറിച്ചുള്ള ഉത്കണ്ടയിൽ ആയിരിക്കും പണ്ടുള്ളവർ കിടക്കയിൽ നിന്നും എഴുന്നേൽക്കാറു എന്നാൽ ഇന്ന് തലേന്ന് പോസ്റ്റ്‌ ചെയ്ത ഫോട്ടോയ്ക് ലൈക്‌ എത്രയായികാണും എന്നാ ചിന്തയോടെ ആയിരിക്കും..ഇപ്പൊ മലയാളികളുടെ ജീവിതത്തോട് അടുത്ത്നില്കുന്ന ഒന്നാണ് ഫേസ്ബുക്കും ലൈക്കും. ജാതി മത വർഗ പ്രായ ഭേതമന്യേ ഏവരും ഒരേ മനസ്സോടെ ആഗ്രഹിക്കുകയും അതിനു വേണ്ടി പ്രവര്ത്തിക്കുകയും ചെയുന്നതു ലൈക്കുകളുടെ എണ്ണത്തിനു വേണ്ടി മാത്രമായിരിക്കും..പണ്ട് ശിഖണ്ടിയെ മുന്നില് നിർത്തി യുദ്ധം ജയിച്ച പോലെ നേരെ ചൊവ്വേ ലൈക് കിട്ടാത്തവര്ക്കായി ലൈക് കൂട്ടാനുള്ള ആപ്സ് വരെയുണ്ട് ഇപ്പോൾ ..!!

ഓടുന്ന ട്രെയിനിനു മുകളിൽ കയറിയും, ചാഞ്ഞു കിടക്കുന്ന കൊമ്പിൽ കയറിയും എന്തിനു ചാരി വെച്ചിരിക്കുന്ന ഒലക്കപുറത്ത് കയറുന്നതുവരെ ലൈക്കുകൾക്ക് വേണ്ടിയുള്ള തന്ത്രപാടാണ്..അയല്പക്കത്തെ വീട്ടിലെ എന്താണ് നടക്കുന്നത് എന്നറിയാനുള്ള മലയാളിയുടെ ത്വര ഒന്ന് മാറി ഇപ്പോൾ അയല്പക്കത്തെ വീട്ടിലെ ഫാമിലി പിക് നു കിട്ടുന്ന ലൈക്കുകളെ കുറിച്ചുള്ള ചര്ച്ചയാണ് നടക്കുന്നത് ..വീട്ടില് ഒരാനയും രണ്ടു കാറുമുള്ളവർ വരെ ലൈക്കിനു വേണ്ടി മാത്രമാകണം മറ്റുള്ളവരുടെ ചാറ്റ്ബൊക്സിൽ ഭിക്ഷ എടുത്ത്തിട്ടുണ്ടാവുക എന്തിനേറെ ഭൂമിയിലെക്കെത്തുന്ന സ്വന്തം കുഞ്ഞിന്റെ തുറക്കാത്ത കണ്ണിനു നേരെ ആദ്യം ഉയരുന്നതും ലൈക്കുകൾക്ക് വഴിയൊരുക്കുന്ന ക്യാമറആയിരിക്കും ..സ്വന്തം മാതാപിതാക്കളുടെ കണ്ണടയും മുൻപ് ഒരു ഫ്ലാഷ് അവിടെ മിന്നിയിട്ടുണ്ടാവും.. അതും " ലൈക്കിനു വേണ്ടിയുള്ള ഒരു ശ്രമം "..!!

ശ്രമങ്ങൾ ഇങ്ങനെ പൊയാൽ മനുഷ്യന്റെ അടിയന്തിര ആവശ്യങ്ങളുടെ പട്ടികയിൽ വായു, ജലം,ഭക്ഷണം എന്നിവയുടെ കൂടെ ഫേസ്ബുക്ക്  ലൈക്കും ചേരുന്ന കാലം വിദൂരമല്ല..!!

മാറില്ല എന്നുറപ്പുള്ളത് കൊണ്ട് മാറ്റിപറയുന്നില്ല " നാടോടുമ്പോ ലൈക്കുകളും കൂടെ ഓടട്ടെ "

ലൈക്കടിക്കാൻ മറകല്ലേട്ടാ...!!!

വിവാഹം

വരയിടാത്ത പേജിൽ എഴുതിശീലിച്ചയാൾ രണ്ടു വരകൾക്കിടയിലൂടെ അതിർവരമ്പുകൾ ലംഘിക്കാതെ വളരെ ശ്രദ്ധയോടെ എഴുതുന്നതാണ് വിവാഹം...!!