വെഡിങ് ആനിവേഴ്സറി

വെഡിങ് ആനിവേഴ്സറി

------------------------------------

സെക്കൻഡുകൾ ഇഴഞ്ഞു നീങ്ങുമ്പോഴും മീരയുടെ ഹൃദയമിടിപ്പ് കൂടുകയായിരുന്നു...ആദ്യമായിട്ടാ ഇങ്ങനെ ഒരു ഹോട്ടലിൽ റൂം ഒക്കെ എടുക്കുന്നെ അതും ഒറ്റയ്ക്ക്..ചിന്തിക്കുന്തോറും അവൾക്കു തലകറങ്ങുന്ന പോലെ തോന്നി, പക്ഷെ ആ മുഖം ഓർക്കുന്ന മാത്രയിൽ ആ പേടിയെല്ലാം ദേഷ്യത്തിന് വകമാറി...!!

കാരണം ആ മുഖത്തിനു മീരയുടെ താലി ചരടുമായി ഒരു വലിയ ബന്ധം ഉണ്ടായിരുന്നു...ആ താലി കെട്ടിയത് അയാൾ ആയിരുന്നു... '' ഉണ്ണി ''...!!

എവിടെയാണ് തനിക്കു പിഴച്ചത്, ഇങ്ങനെ ഒരു ജീവിതമാണോ തൻ ആഗ്രഹിച്ചത്... കഴിഞ്ഞ കുറച്ചു വർഷങ്ങൾ ഒരു ബെഡിൽ കിടക്കുന്നു, ചിലവിനു തരുന്നു എന്നതൊഴിച്ചാൽ വേറെന്തു ബന്ധമാണ് ഉണ്ണിയേട്ടനുമായി...പല തവണ ചോദിച്ചിട്ടുണ്ട് അപ്പോഴൊക്കെ ഒഴിഞ്ഞുമാറും...അത് തന്റെ അടുത്തുന്നു മാത്രമാണോ എന്നറിയാൻ ആണ് ഫേസ്ബുക്കിൽ ഒരു ഫേക്ക് ഐഡി തുടങ്ങിയത് അപ്പൊ അറിഞ്ഞു ഉണ്ണിയേട്ടന് എന്നോടാണ് താല്പര്യം നഷ്ടപെട്ടത്...തന്റെ ഫേക്ക് ഐഡി യോട് , മാനത്തിനു താഴെയുള്ള എന്തിനെക്കുറിച്ചും വാതോരാതെ സംസാരിക്കുമ്പോ, ഒരിക്കൽ എങ്കിലും അത് എന്നോടായിരുനെങ്കിൽ എന്നോർത്ത് കരഞ്ഞിട്ടുണ്ട്...ഉണ്ണിയേട്ടന്റെ കൊഞ്ചി കൊഴഞ്ഞുള്ള സംസാരം ഒക്കെ കാണുമ്പോ കൊതിച്ചിട്ടുണ്ട് അത് ന്റെ അടുത്തായിരുന്നെങ്കിൽ എന്നോർത്ത്....പക്ഷെ....എല്ലാം തനിക്കു നഷ്ടമായിക്കഴിഞ്ഞിരിക്കുന്നു....!!

ഇല്ല ഇനി അതൊക്കെ ഓർത്തിട്ടു കാര്യമില്ല...ഈ താലി കഴുത്തിൽ ഇട്ടുകൊണ്ട് തന്നെ തനിക്കു പ്രതികാരം ചെയ്യണം...അതിനു വേണ്ടിയല്ലേ ഒരുങ്ങി ഇറങ്ങിയത്...പാവം ന്റെ മോൾ നാളെ അവളോട് ഞാൻ എന്ത് പറയും...എങ്ങനെ പറയും...ആലോചനകൾ കൂടുന്നതിനിടയിൽ ഫേസ്ബുക്ക് മെസ്സഞ്ചറിൽ ഒരു മെസ്സേജ് '' അയാളാണ് - താഴെ എത്തി എന്ന്...!!

അവൾ വാഷ്ബെയ്സിന്റെ അടുത്തേക്ക് ചെന്ന് മുടി കെട്ടിവെച്ചു മുഖം അമർത്തി കഴുകി...കണ്ണുകളിൽ അപ്പോഴും കണ്ണുനീർ തടം കെട്ടി നിൽക്കുന്നുണ്ട്,, അവൾ ഓർത്തു ഇതുവരെ ഒരു തെറ്റുപോലും ചെയ്യാത്ത തൻ ജീവിതത്തിൽ ആദ്യമായി ഒരു വലിയ തെറ്റ് ചെയ്യാൻ പോകുന്നു... '' അല്ല ഇതാണ് എന്റെ ശെരി..അതെനിക്കു തെളിയിക്കണം..അതുകൊണ്ടുതന്നെയാണ് തന്റെ ഈ വിവാഹവാർഷീകദിനം തന്നെ തിരഞ്ഞെടുത്തത്...ഇതിലും നല്ല ഒരു ദിവസം ഇല്ല...അവൾ ബാഗിൽ നിന്നും ഒരു പൊട്ടെടുത്ത് നെറ്റിയിൽ വെച്ച്...തയ്യാറായി നിന്നു......!!

ആ ഹോട്ടൽറൂമിന്റെ ബെൽ അടിച്ചു...പതിയെ അവൾ ആ ബെഡ് ഇൽ ചെന്ന് തിരിഞ്ഞിരുന്നു...കാണുന്ന നിമിഷത്തിൽ തന്നെ ഉണ്ണിയേട്ടൻ ഞെട്ടണ്ട ഇത്രയും നാൾ ചാറ്റ് ചെയ്തതും, ഇപ്പൊ കാണാൻ വന്നതും സ്വന്തം ഭാര്യയെ ആണെന്നോർത്തു...!!

അയാൾ പതിയെ വാതിൽ തുറന്നു...കൈയിൽ ഒരു ഗിഫ്റ്റും ഉണ്ട്..പതിയെ നടന്നു അവള്കരികിലേക്കു എത്തി...പെട്ടെന്ന് അവൾ ചാടി എഴുനേറ്റു..അയാളുടെ നേരെ കത്തുന്ന കണ്ണുകളോടെ നോക്കി...അയാളുടെ മുഖത്തു ഞെട്ടൽ പ്രകടമായി... '' ഒട്ടും പ്രതീക്ഷിച്ചില്ല അല്ലെ, എന്നാലും ഉണ്ണിയേട്ടാ നിങ്ങൾ ഇത്രയും ചീപ് ആണെന്ന് ഞാൻ കരുതിയില്ല,''

മീര ഞാൻ എനിക്ക്....അയാൾ എന്തോ പറയാൻ കൈ ഉയർത്തിയപ്പോൾ തന്നെ അവൾ ആ ചൂണ്ടുവിരൽ കൊണ്ട് അത് തടഞ്ഞു...അപ്പോഴാണ് അവൾ ആ സമ്മാനപ്പൊതി കണ്ടത്..ദേഷ്യം കൊണ്ട് അവൾ ആകെ ചുമന്നു ആ സമ്മാനപ്പൊതി തട്ടിത്തെറിപ്പിച്ചിട്ടു അവൾ പറഞ്ഞു '' ഇന്ന് നമ്മുടെ വെഡിങ് ആനിവേഴ്സറി ആയിട്ട് എന്നെ ഒന്ന് വിഷ് ചെയ്യാൻ പോലും പറ്റാത്ത നിങ്ങൾ ഏതോ ഒരുവളെ കാണാൻ സമ്മാനവും മേടിച്ചു വന്നിരിക്കുന്നു..എങ്ങനെ മനസ്സ് വന്നു ഉണ്ണിയേട്ടാ നിങ്ങള്ക്ക്...'' മതി ഇനി ഇങ്ങനെ ഒരു ബന്ധം എനിക്ക് വേണ്ട..എന്റെ മുന്നിൽ നിന്നും പോ... അവൾ അലറി..!

അയാൾ പതുകെ മുന്നോട്ടു വരാൻ നോക്കിയപ്പോൾ തന്നെ അവൾ വീണ്ടും ഒച്ച വെച്ചു...'' എനിക്ക് നിങ്ങളെ കാണണ്ട..ഇവിടുന്നു പോ അല്ല്ലെങ്കി ഞാൻ ഒച്ച വെക്കും..പോകാൻ ''

പതിയെ തിരിഞ്ഞു നടക്കുമ്പോ അയാളുടെ കണ്ണുകൾ നനഞ്ഞിരുന്നത് മാത്രം അവൾ കണ്ടു പക്ഷെ ആ കുറ്റബോധം ഒന്നും അവളുടെ ദേഷ്യത്തെ ഒട്ടും കുറച്ചില്ല...ആ വാതിലും കടന്നു അയാൾ പുറത്തേക്കു നടന്നപ്പോൾ ഓടിച്ചെന്നു വാതിൽ ലോക്ക് ചെയ്തു അവൾ ആ കിടക്കയിലേക്ക് വീണു തേങ്ങി കരഞ്ഞു....'' ആദ്യമായി ഒളികണ്ണിട്ടു നോക്കിയ ആ നിമിഷം മുതൽ ഓരോന്നും അവളുടെ മുന്നിൽ മാറിമറിഞ്ഞുകൊണ്ടിരുന്നു...പെട്ടന്ന് ആണ് മോളെ കുറിച്ച് ഓർത്തത് പാവം ന്റെ കുട്ടി സ്കൂൾ വിട്ടു വരാൻ സമയം ആയിട്ടുണ്ടാവും...പതിയെ എഴുനേറ്റു അവൾ വീണ്ടും മുഖം കഴുകാണാനായി വാഷ്ബിസിനരികിലേക്കു നീങ്ങി..അപ്പോഴാണ് അവൾ അത് കണ്ടത്..അയാൾ പൊതിഞ്ഞു കൊണ്ടുവന്ന ആ സമ്മാന പൊതി പൊട്ടിയിട്ടുണ്ടായിരുന്നു...അതിൽ നിന്നും എന്തോ പുറത്തേക്കു ചാടി കിടക്കുന്നു...പതിയെ അവൾ അതെടുത്തു..എവിടെയോ ഒരാഗ്രഹം അതെന്താണെന്നു അറിയാൻ..സാവധാനം അത് അവൾ പൊട്ടിച്ചു..അതൊരു കരിമണിമാല ആയിരുന്നു അത് കണ്ടപ്പോ , അവളുടെ സങ്കടം ഇരട്ടിയായി...എത്രയോവട്ടം ഇതിനായി ഉണ്ണിയേട്ടനോട് കെഞ്ചിയിട്ടുണ്ട് ഞാൻ...എന്നിട്ടും ഇന്നലെ കണ്ട ഏതോ ഒരുവൾക്കു...അവളുടെ കണ്ണുകളിൽ വീണ്ടും തീയാളി...ആ സമ്മാനപ്പൊതി അവൾ വീണ്ടും വലിച്ചെറിഞ്ഞു...ആ കരിമണിമാല യും ആ സമ്മാനപൊതിയും താഴെ വീണു ചിതറി അതിൽ നിന്നും മടക്കി വെച്ച ഒരു പേപ്പറും താഴെ വീണു... '' പ്രണയലേഖനം ആയിരിക്കും, വരുമ്പോ ഒന്ന് എഴുതികൊണ്ടുവരാൻ പറഞ്ഞിരുന്നത് അവൾ ഓർത്തു...വലിയ പുച്ഛത്തോടെ അവൾ ആ പേപ്പർ എടുത്തു വായിക്കാൻ തുടങ്ങി...!!

ന്റെ തുളസിക്കതിരിനു,

ആദ്യമേ തന്നെ ഹാപ്പി വെഡിങ് ആനിവേഴ്സറി...ഇത്തവണത്തെ വെഡിങ് ആനിവേഴ്സറി ന്തായാലും നീ ഒരിക്കലും മറക്കില്ല എന്ന് എനിക്കറിയാം അത്രക്കും വലിയ ഒരു സർപ്രൈസ് അല്ലെ ഇത്....നീ എന്താ മോളെ നിന്റെ കേട്ടിയോനെ കുറിച്ച് വിചാരിച്ചേ ഫേക്ക് ഐഡി ഉണ്ടാക്കി ചാറ്റ് ചെയ്താൽ എനിക്ക് മനസിലാവില്ലെന്നോ...നിന്റെ കഴുത്തിൽ കെട്ടിയ താലിക്കു വെറുമൊരു കെട്ട്യോൻ എന്നർത്ഥം മാത്രല്ല ഉള്ളത് നിന്റെ പാതി എന്നൊരു അവകാശവും കൂടി ഉണ്ട്..നീ എന്നോട് ചാറ്റ് ചെയ്തു തുടങ്ങിയപ്പോഴേ എനിക്ക് മനസിലായി മോളെ അത് നീയാണെന്നു......

അത്രയും വായിച്ചപ്പോഴേക്കും അവളുടെ മുഖത്തിൽ സങ്കടത്തിനു മുകളിലേക്ക് സതോഷത്തിന്റെ സൂര്യൻ ഉദിച്ചുയർന്നു...അപ്പോഴും കണ്ണ് നിറഞ്ഞു കണ്ണുനീർ ഒഴുകുകയാണ്,,കണ്ണ് രണ്ടും തുടച്ചിട്ട് ആർത്തിയോടെ അവൾ ബാക്കി കൂടെ വായിച്ചു

'' പക്ഷെ ഒന്ന് ഞാൻ പറയാം ഈ അമ്മു എന്ന ഫേക്ക് ഐഡി ചില നേരങ്ങളിൽ എനിക്കൊരു ആശ്വാസമായിരുന്നു...എനിക്കൊരു സാന്ത്വനം ആയിരുന്നു..എനിക്ക് കൃത്യമായ സമയങ്ങളിൽ ഉപദേശങ്ങൾ തന്നും, സങ്കടപെടുമ്പോ അടുത്തിരുന്നും ഒരു തണലാവാൻ അമ്മുവിന് കഴിഞ്ഞിട്ടുണ്ട്....പണ്ടൊക്കെ നീയും അങ്ങനെ ആയിരുന്നു മീര പിന്നെ പിന്നെ നമ്മുടെ ജീവിതം ഒരു കാല്കുലേറ്റർ ആയിമാറി...കണക്കുപറച്ചിലുകൾക്കപ്പുറം മറ്റൊന്നും നിനക്ക് പറയാൻ ഉണ്ടായിരുന്നില്ല..മോൾടെ പഠനം അവളുടെ കല്യാണം അതൊക്കെ മാത്രമേ നിന്റെ മനസ്സിൽ ഉണ്ടായിരുന്നുള്ളു...അതിന് ഇടയിൽ നീ ഒരു ഭാര്യാ ആണെന്ന് നീ മറന്നു...നീ ഒരു ഫ്രണ്ട് ആണെന്ന് മറന്നു..ഇടയ്ക്കു എനിക്കൊരു അമ്മയായിരുന്നു എന്ന് വരെ മറന്നു...എന്റെ ജോലിയിലെ ടെൻഷൻ എല്ലാം പറയാൻ ഒരുങ്ങുമ്പോഴൊക്കെ,ഉണ്ടാക്കിയെടുത്ത നിന്റെ ടെൻഷൻ പറഞ്ഞു പറഞ്ഞു ഉള്ള സമാധാനം മൊത്തം കളഞ്ഞു...അപ്പോഴൊക്കെ ഞാൻ എന്റെ എഴുതുകളിലൂടെ ഫേസ്ബുക്കിൽ സജീവമാവുകയാണ് ചെയ്തത് അല്ലാതെ നീ വിചാരിക്കുമ്പോലെ ഞാൻ ആരെയും തേടി പോയിട്ടില്ല മീര...എനിക്കതു പറ്റില്ല....പിന്നെ നീ എന്ന അമ്മുവിനോട് സംസാരിച്ചു തുടങ്ങിയപ്പോ ഞാൻ ഓർത്തു എനിക്ക് നിന്നിലൂടെ തന്നെ വീണ്ടും ജീവിതത്തിലെ സന്തോഷത്തെ തിരിച്ചു പിടിക്കണമെന്ന്...അത് ഞാൻ വിജയിച്ചു...അതിന്റെ അവസാനം ഈ ദിവസ്സം ആകണമെന്നും ഞാൻ ആഗ്രഹിച്ചിരുന്നു,,അതുകൊണ്ടാ നിനക്കിഷ്ടമുള്ള കരിമണിമാല വരെ ഞാൻ വാങ്ങിയത്....ഇനി നമ്മുക് ഈ അമ്മുവിനെ വേണ്ട എനിക്കെന്റെ മീരയെ മതി..എല്ലാം എന്റെ ഭാര്യക്ക് മനസിലായിട്ടുണ്ടെങ്കിൽ വേഗം അമ്മുവിനോട് ഗുഡ്ബൈ പറഞ്ഞിട്ട് വാ...മോളേം കൂട്ടി ഞാൻ വീടിന്റെ ഗേറ്റ് ഇൽ ഉണ്ടാവും..!!

നിന്റെ മാത്രം ഉണ്ണിയേട്ടൻ

ആ കത്തും പൊത്തിപിടിച്ചു മീര കരഞ്ഞു ചിതറിക്കിടക്കുന്ന കരിമണിമാലയുടെ താഴെക്കിരുന്നു പിന്നെ ഓരോന്നായി അതെല്ലാം പെറുക്കിയെടുത്തുകൊണ്ടു അവൾ ഓടി, നഷ്ടപ്പെട്ട് എന്ന് വിചാരിച്ച അവളുടെ ജീവിതം തിരിച്ചുപിടിക്കാൻ...!!

---------------------------------------------------------------------------

തീയറ്ററിലേക്കുള്ള ,ബൈക്കിൽ ഇരുന്നുള്ള ആ ഓട്ടത്തിൽ മീര ഉണ്ണിയോട് കുറച്ചൂടെ ചേർന്നിരുന്നിട്ടു ചോദിച്ചു അല്ല ഉണ്ണിയേട്ടാ എല്ലാം തുറന്നു പറയാൻ വന്ന നിങ്ങൾ എന്തിനാ പിന്നെ ഒരു നിമിഷം ഞെട്ടി ഒന്നും പറയാനാകാതെ നിന്നത്...???

അതോ...എന്നോട് ഇത്രയും ദേഷ്യം മനസ്സിൽ ഉണ്ടായിട്ടും നീ ധരിച്ചത് എനിക്ക് ഏറ്റവും ഇഷ്ടമുള്ള സാരി ആണെന്ന് കണ്ടപ്പോ ഞാൻ തകർന്നു പോയെടീ...ഒരുനിമിഷത്തേക്കു തോറ്റുംപോയി..പിന്നെ എല്ലാം ആ കത്തിൽ ഉണ്ടല്ലോ..വായിക്കുമ്പോ മനസിലാകട്ടെന്നു വെച്ചു..!!

അയ്യടാ ആ കത്ത് ഞാൻ കണ്ടില്ലെങ്ങിലോ അല്ലെങ്കിൽ ആ സാരിയിൽ ഞാൻ അവിടെ കെട്ടി തൂങ്ങിരുന്നെങ്കിലോ....അവൾ പരിഭവത്തോടെ ചോദിച്ചു..!

അങ്ങനെ കെട്ടി തൂങ്ങിയാൽ ഞാൻ ആ അമ്മുനെ അങ്ങ് കെട്ടും എന്നിട്ട് ഞാനും അമ്മുവും മോളും കൂടെ സുഖമായിട് ജീവിക്കും..!!

അയാളുടെ തുടയിൽ അമര്തിപിച്ചികൊണ്ടു അവൾ പറഞ്ഞു..ദേ ഇനി അമ്മു കുമ്മു എന്നൊക്കെ പറഞ്ഞ കൊല്ലും ഞാൻ...!!

ആരാ അച്ഛാ ഈ അമ്മു അതൊന്നും അറിയാതെ ആ കുഞ്ഞു ചോദിച്ചു..??

അതോ അതൊരു ജിന്നാണ് മോളെ മോൾടെ അമ്മേടെ വകയിലെ ഒരു ജിന്ന് ..!!

അമ്മു എപ്പോഴാ വരിക....വീണ്ടും കുഞ്ഞു ചോദിച്ചു ?

മോൾടെ 'അമ്മ എന്നോട് വഴക്കിട്ടാൽ അപ്പൊ വരും...ഇനി വരുമ്പോ അച്ഛൻ കാണിച്ചു തരാംട്ടോ....''

അയാൾ പതിയെ ബൈകിന്റെ സ്പീഡ് കൂട്ടി...അടുത്ത വളവു തിരിഞ്ഞു പോകുമ്പോ അവർക്കു മുകളിൽ ഒരു മഴവില്ലു ആയിരം ശോഭയോടെ നില്കുന്നുണ്ടാർന്നു