മനു കട്ടിലിൽ കിടന്നു ആ വീഡിയോ പിന്നെയും പിന്നെയും കണ്ടു, ഇമവെട്ടാതെ നോക്കി നിന്നു, കാരണം അതിലവൻ ഉണ്ട്
'' രാജകീയ പ്രൗഢിയോടെ കുന്നു കേറി വരുന്ന റോയൽ എൻഫീൽഡ്.. അവന്റെ ഏറ്റവും വലിയ സ്വപ്നങ്ങളിൽ ഒന്ന്..ആ വീഡിയോ പോസ് ചെയ്തിട്ട് പേഴ്സ് ഇൽ നിന്നു ഭാര്യക്കൊപ്പം വെട്ടി വെച്ചിരുന്ന ബുള്ളറ്റിന്റെ പടം എടുത്ത് പതിയെ അതിൽ തലോടി '' ജീവൻ പോകുന്നതിനു മുൻപ് ഇതുപോലൊന്ന് വാങ്ങണം ഈ ജംഗ്ഷനിലൂടെ തല ഉയർത്തിവെച്ചു ഓടിക്കണം ''എന്നാണാവോ ?? എന്ന് ചിന്തിക്കുമ്പോ കേട്ടു മനുവേട്ടാ എന്ന വിളി...!!
അഞ്ചു ആണ്...!!
അത് ഗൗനിക്കാതെ ആ പടത്തിൽ തലോടുമ്പോ വീണ്ടും കേട്ടു മനുവേട്ടാ എന്തെടുക്കുവാ ?? ഇങ്ങോട് ഒന്ന് വരോ...ഇതൊന്നു എടുത്തുതരോ..??
ഓ കുന്തം, കെട്ടണ്ടായിരുന്നു ,അവൻ ദേഷ്യത്തോടെ കട്ടിലിൽ നിന്നും എഴുന്നേറ്റു അഞ്ജുവിന്റെ അടുത്തേക്ക് നടന്നു..ആ പോക്കിനിടയിൽ അവൻ പേഴ്സിൽ സൂക്ഷിച്ച ബുള്ളറ്റിന്റെ പടം കട്ടിലിൽ വീണിരുന്നു...!!
ന്താ നീ വിളിച്ചേ ..?? അനിഷ്ടത്തോടെ അവൻ ചോദിച്ചു...മനുവേട്ടാ ദേ ഈ തയ്യൽ മെഷീൻകൾ ഒന്ന് പുറത്തേക്കു വെക്കാൻ സഹായിക്കോ..!!
ഓ നിന്റെ ഒരു ജാംബവാന്റെ കാലത്തെ മെഷീനുകൾ...അത് ചവിട്ടാൻ വരുന്ന കുറെ പിള്ളേരും...ഈ കുന്ത്രാണ്ടം ഇപ്പോ ന്തിനാ പുറത്തേക്കു എഴുന്നുള്ളിക്കണേ..? അവൻ ദേഷ്യത്തോടെ ചോദിച്ചു..!!
അത് കുറച്ചു റിപ്പയര് ചെയ്യാനുണ്ട്..മഹേഷ് രാവിലെ വണ്ടി ആയിട്ട് വരും...!!
നാശം..ആ പിടിക്കു.. !!
അവൻ മനസില്ലാ മനസ്സോടെ ആ തയ്യൽ മെഷീനുകൾ ഓരോന്നായി സിറ്റൗട്ടിലേക്ക് വെച്ചു...!!
പിന്നേയ് നാളെ ഒന്ന് എന്റെ കൂടെ വരോ...!!
ഇത് കൊടുക്കാൻ അല്ലെ ആ മഹേഷ് വരുന്നുണ്ടല്ലോ പിന്നെന്താ...!!
അതല്ല മനുവേട്ടാ നാളെ നമുക്കൊന്നു അമ്പലത്തിൽ...!!
ഞാൻ എങ്ങും ഇല്ല നീ പോയാമതി, എന്റെ ഒരാഗ്രഹം സാധിച്ചുതരട്ടെ എന്നിട്ട് മതി ചെന്ന് കാണൽ ഒക്കെ..!!
അയ്യോ നാളെ മനുവേട്ടന്റെ പിറന്നാൾ അല്ലെ..കുറച്ചു വഴിപാട് ഉണ്ട്...പ്ളീസ് ന്റെ കൂടെ ഒന്ന് വരോ..!!
സീ അഞ്ചു ഞാൻ പറഞ്ഞു കഴിഞ്ഞു നീ പോയിട്ട് വാ..എനിക്കിപ്പോ അതിലൊന്നും താല്പര്യമില്ല..ഓക്കേ..ഓരോ പ്രാരാബ്ധങ്ങൾ എടുത്തു തലയിൽ വെച്ച് തന്നിട്ട് ഇനി പോയി നന്ദി പറയെ വേണ്ടു...നീ പോയാമതി...അതും പറഞ്ഞു മനു തിരിഞ്ഞു നടന്നു...!!
അഞ്ജുവിന്റെ കണ്ണ് നിറഞ്ഞു...അല്ലെങ്കിലും തന്റെ കൂടെ എങ്ങും വരാൻ മനുവേട്ടൻ ഒരുക്കമല്ലല്ലോ...കൂട്ടുകാരന്റെ പെങ്ങളുടെ കല്യാണ ചെക്കൻ അവസാന നിമിഷം വാക്ക് മാറിയപ്പോ ആവേശത്തിൽ എടുത്ത ഒരു തീരുമാനം അതാണ് തന്നെ ഇവിടെ എത്തിച്ചേ..പാവം മനുവേട്ടനെയും കുറ്റം പറയാൻ പറ്റില്ല, സ്വർണവും കാറും ഒക്കെ വാരിക്കോരി കിട്ടേണ്ടയിരുന്ന ആളാ..ഇതിപ്പോ തന്നെ കിട്ടിയതുകൊണ്ട് മാത്രം വീട്ടുകാരും ബന്ധുക്കളും ഒന്നുമില്ലാതെ ഇവിടെ...പാവം മനുവേട്ടൻ ഇതൊക്കെ കേട്ടാലും തനിക്കു ഇഷ്ടമാണ്,തന്നെക്കാൾ ഏറെ..ആരെക്കാളും ഏറെ..!!
ജോലി എല്ലാം ഒതുക്കി റൂമിൽ എത്തുമ്പോഴേക്കും മനു ഉറങ്ങിയിരുന്നു..പുതപ്പു എടുത്ത് അവനെ മൂടിച്ചു കിടക്കാൻ നേരം അവളത് കണ്ടു...മനുവിന്റെ പേഴ്സിൽ വെച്ചിരുന്ന ബുള്ളറ്റിന്റെ പടം...തന്നെ ഉപേക്ഷിച്ചിരുന്നേൽ ഈ ബുള്ളെറ്റ് മനുവേട്ടന്റെ വീട്ടുകാർ തന്നെ വാങ്ങി കൊടുത്തേനെ..പക്ഷെ അതൊക്കെ വേണ്ടാന്ന് വെച്ചിട്ടു തനിക്കൊരു ജീവിതം തന്നു...നാളെ പിറന്നാൾ ദിവസത്തിൽ എങ്കിലും എങ്കിലും എന്റെ മനുവേട്ടനെ സന്തോഷിപ്പിക്കാൻ എനിക്ക് കഴിയണേ ന്റെ കൃഷ്ണാ എന്ന് പ്രാർത്ഥിച്ചുകൊണ്ട് അവൾ ആ ബുള്ളറ്റിന്റെ പടം നെഞ്ചോടു ചേര്ത്തു കിടന്നു....!!!
ഫോൺ നീണ്ട റിങ് ചെയുന്നത് കേട്ടിട്ടാണ് മനു കണ്ണ് തുറന്നത്...അഞ്ജുവാണ്...ഹലോ..പറ .!!
ഹാപ്പി ബർത്ത് ഡേ മനുകുട്ടാ...അവളുടെ സന്തോഷത്തോടെയുള്ള പറച്ചിൽ ആ ഫോണിന്റെ ലൗഡ്‌സ്പീക്കറിൽ അലയടിച്ചു..!!
ഓഹ് താങ്ക്സ്...അവൻ സാധാരണപോലെ പ്രതികരിച്ചു...!!
മനുവേട്ടാ ഞാൻ ഇപ്പൊ എത്തും..ഇതൊന്നു പിടിച്ചിറക്കാൻ പുറത്തേക്കു വരണേ പ്ളീസ്...!!
നീ രാവിലെ തുടങ്ങിയോ മനുഷ്യനെ ബുദ്ധിമുട്ടിക്കാൻ...പണ്ടാരം വന്നിട്ട് വിളി..അയാൾ ഫോൺ കട്ട് ചെയ്തു..
അപ്പൊ മൊബൈലിൽ ഒരു മെസ്സേജ് അമ്മയാണ് " ഹാപ്പി ബര്ത്ഡേ മോനെ ,നിന്നെ ഒന്നുകാണണം എന്നുണ്ട് പക്ഷെ എങ്ങനെയാ അച്ഛനറിഞ്ഞാൽ...മോൻ അക്കൗണ്ട് നമ്പർ അയക്കുവോ 'അമ്മ കുറച്ചു കാശ് അയക്കാം മോൻ ഒരു ബുള്ളറ്റ് വാങ്ങണം..അതല്ലേ ന്റെ മോന്റെ ആഗ്രഹം...!!
അതുവായിച്ചതും അവന്റെ കണ്ണ് നിറഞ്ഞു...സ്വന്തം വീട്ടിൽ പാറിപ്പറന്നു നടന്ന നിമിഷങ്ങളൊക്കെ മനസിലേക്ക് ഓടിയെത്തി...അപ്പോഴേക്കും ഒരു വിളിയുമെത്തി അഞ്ജുവിന്റെ മനുവേട്ടാ ഒന്ന് വരോ ഇതൊന്നു ഇറക്കിവെക്കാൻ...!!
മനു അവന്റെ കണ്ണ് തുടച്ചുകൊണ്ട്, എടുത്ത തീരുമാനത്തെ ശപിച്ചുകൊണ്ട് വാതിൽ തുറന്നു മുറ്റത്തേക്ക് നോക്കി..പുറത്തു ഒരു പെട്ടി വണ്ടി..മഹേഷിന്റെ ആണ്, അവനതിന്റെ അടുത്തേക്ക് നടന്നപ്പോ ആ വണ്ടി മുന്നോട്ടു എടുത്തു അതിന്റെ പുറകിൽ ''രാജകീയ പ്രൗഢിയോടെ ഒരു പുതു പുത്തൻ ബുള്ളറ്റ് റോയൽ എൻഫീൽഡ് ''
അതിൽ ചാരി അഞ്ചു...!!
ഹാപ്പി ബർത്ത് ഡേ മനുവേട്ടാ...ഇത് എന്റെ ഒരു സമ്മാനമാ..അല്ല എന്റെ ഒരു സ്വപനം ആയിരുന്നു..ഇത്രയെങ്കിലും ചെയ്തില്ലെങ്കിൽ പിന്നെ ഞാൻ ന്തിനാ മനുവേട്ടന്റെ പെണ്ണ് എന്ന് പറഞ്ഞു നടക്കുന്നെ..!!
അവന്റെ കണ്ണ് നിറഞ്ഞു തുളുമ്പി..വിശ്വസിക്കാനാകാതെ അവൻ ആ ബുള്ളെറ്റിലേക്കു നോക്കി..!!
എന്നിട്ടും വിശ്വാസം വരാതെ അവൾക്കു നേരെ നോക്കി
സത്യാ മനുവേട്ടാ ഇത് മനുവേട്ടന്റെയാ ഞാൻ തയ്ച്ചുണ്ടാക്കിയ ചെറിയ സമ്പാദ്യം ഇണ്ടായിരുന്നു അത് കൊടുത്താ ബുക്ക് ചെയ്തേ..പിന്നെ...പിന്നെ എന്റെ സ്റ്റുഡന്റിന്റെ അച്ഛൻ ഒരു ബാങ്ക് മാനേജർ ആണ് ,പുള്ളി വഴി ഒരു ലോൺ അപ്ലൈ ചെയ്തിരുന്നു അതും ദൈവം സഹായിച്ചു ഇന്ന് തന്നെ കിട്ടി...!!
അവൻ അവളുടെ കണ്ണുകളിലേക്കു സങ്കടത്തോടെ നോക്കി..!!
അപ്പോഴേക്കും മഹേഷ് മനുവിന്റെ അടുക്കൽ എത്തി, '' അളിയാ നിന്റെ ഇഷ്ട കളർ തന്നെ കിട്ടി..എല്ലാം അഞ്ചുന്റെ മിടുക്കാണുട്ടോ..ബുക്ക് ചെയ്തത് ഇന്ന് തന്നെ കിട്ടില്ലായിരുന്നു പക്ഷെ ഷോ റൂം തുറക്കുന്നസമയം വരെ അവിടെ നിന്ന്മാനേജരെ കേറി കണ്ടു കാലുപിടിച്ചു പറഞ്ഞു സമ്മതിപ്പിച്ചു ഇന്ന് കിട്ടേണ്ടിയിരുന്ന ആളെ വിളിച്ചു കരഞ്ഞു പറഞ്ഞതുകൊണ്ടാ ഇത് ഇന്നുതന്നെ കിട്ടിയേ...പിന്നെ ഇതിൽ ആദ്യം നീ തന്നെ ഇരിക്കണം എന്ന് അഞ്ജു വാശിപിടിച്ചപ്പോഴാ ഞാൻ ന്റെ ഈ പെട്ടിയിൽ ഇവനെ കയറ്റി കൊണ്ടുവന്നത്
എന്തായാലും അപ്പൊ ഹാപ്പി ബർത്ത് ഡേ അളിയാ..അതും പറഞ്ഞു മഹേഷ് മനുവിനെ കെട്ടിപിടിച്ചു എന്നിട്ടു പതിയെ ചെവിയിൽ പറഞ്ഞു "" നിന്റെ ജീവിതത്തിലേ ശെരിക്കുള്ള രാജകീയ പ്രൗഢി നിന്റെ അഞ്ജുവാണ് അളിയാ..നീ അത് കാണാതെ പോകരുത്..എന്നും പറഞ്ഞു അവൻ ആ പെട്ടി വണ്ടി ഓടിച്ചു പോയി...!!
മനു പതിയെ നടന്നു ആ ബുള്ളറ്റിന്റെ ഹെഡ്‍ലൈറ്റിൽ തൊട്ടു...എന്നിട്ട് അവളെ നോക്കി..അവൾ അതിന്റെ താക്കോൽ അവനു നേരെ നീട്ടി...!!
അവനതു വാങ്ങി ബൈക്ക് സ്റ്റാർട്ട് ചെയ്തു ഓടിച്ചു പോയി...അതുകണ്ട അഞ്ചു ഞെട്ടി..തന്നെ ഒന്ന് വിളിക്യാ പോലും ചെയ്തില്ലലോ എന്നോർത്തപ്പോ സങ്കടായി..പിന്നെ അതൊന്നും തനിക്കു വിധിച്ചിട്ടില്ല എന്ന് മനസ്സിലോർത്തു വീട്ടിലേക്കു നടന്നു...!!
അപ്പൊ പുറകീന്നു നീട്ടിയൊരു ഹോൺ അടി..മനുവേട്ടൻ ആ ബുള്ളറ്റിൽ രാജകീയ പ്രൗഢിയോടെ വരുന്നത് കണ്ടപ്പോ അവൾക്കു സന്തോഷായി...അവൻ ബൈക്ക് അവളുടെ അടുത്ത് കൊണ്ടുചെന്നു നിർത്തിയിട്ടു പറഞ്ഞു "" അമ്മു ഒരാൾക്ക് കൂടി സ്ഥലമുണ്ട് വാ നമുക് ഗുരുവായൂർ വരെ ഒന്ന് പോയിട്ട് വരാം..!!
പോകുന്നതിലേറെ അമ്മു എന്ന വിളി ആണ് അവളെ സന്തോഷഭരിതയാക്കിയത്.. കല്യാണം കഴിഞ്ഞ നാളുകളിൽ കേട്ടിരുന്ന ആ വിളി കേട്ട് അവൾ ആ സന്തോഷത്തോടെ ബൈക്കിൽ കയറി ഇരുന്നു...!!
പിടിച്ചിരിക്കു അമ്മു വീഴണ്ട...!!
അവന്റെ വാക്ക് കേട്ട് കണ്ണ് നിറഞ്ഞ അവൾ അന്നാദ്യമായി അവനെ ചേർത്തുപിടിച്ചു ആ തോളിൽ ചാരിയിരുന്നു...
ആ സ്വപ്ന സഞ്ചാരത്തിനിടയിൽ മനു ബൈക്കിന്റെ കണ്ണാടിയിൽ നോക്കി അവളോട് പറഞ്ഞു '' അമ്മു ബുള്ളെറ്റ് എന്റെ കാശുകൊണ്ട് മേടിക്കണം എന്നായിരുന്നു എന്റെ ആഗ്രഹം പക്ഷെ അമ്മു ന്നെ തോപ്പിച്ചുകളഞ്ഞു..പിന്നെ ഇതിപ്പോ ന്റെ വീട്ടുകാർ വാങ്ങിത്തന്നതിനേക്കാൾ ഞാൻ ഹാപ്പിയാണ് അമ്മു...ഇത്രക്കും എന്നെ സ്നേഹിക്കുന്നുണ്ട് എന്ന് എനിക്കറിയില്ലായിരുന്നു അമ്മു..ഇനി ന്റെ ജീവൻ ഉള്ളിടത്തോളം ഞാൻ അമ്മുനെ കഷ്ടപെടുത്തില്ല..ദേഷ്യപ്പെടില്ല..അവസാനമായി വൈകി വന്ന വിവേകത്തിനു മാപ്പ്..എന്നോട് ക്ഷമിക്കു...!!
അത് പറഞ്ഞപ്പോ അവൾ ആ ചുണ്ടത്തു കൈവെച്ചു...എന്നിട്ട് പറഞ്ഞു മാപ്പൊന്നും പറയല്ലേ മനുവേട്ടാ എനിക്കൊരു ജീവിതം തന്ന ആളാ...ഈ സീറ്റിൽ എന്നും എന്നെ ഇങ്ങനെ ഇരിക്കാൻ അനുവദിച്ചാമതി...!!
അതിനുത്തരമായി അവൻ ആ ബുള്ളറ്റിന്റെ ഹോൺ നീട്ടിയടിച്ചു...!!
ആ ശബ്ദത്തിൽ അവനോടു ഒന്നുകൂടെ ചേർന്നിരുന്നിട്ടു അഞ്ചു ചിന്തിച്ചു "" ജാംബവാന്റെ കാലത്തെ ആ തയ്യൽ മെഷീൻകൾ തന്റെ അന്നം ആയിരുന്നു എങ്കിലും തനിക്കു അതിനേക്കാൾ വലുതാണ് എന്റെ മനുവേട്ടന്റെ സ്നേഹവും സന്തോഷവും...!!!
